Светската поп сензација Ricky Martin ова лето ќе ја донесе својата препознатлива латино енергија во регионот. На 16 јуни, мегапопуларниот пејач ќе одржи концерт во рамките на фестивалот „Belgrade River Fest“, кој ќе се одржи на платото пред Kula Beograd во рамките на комплексот Belgrade Waterfront.
Настанот е дел од јубилејното, петто издание на фестивалот, кој од година во година носи светски музички имиња во срцето на Белград. Публиката ќе има можност да ужива во спектакуларен концерт под отворено небо, исполнет со танц, силна сценска енергија и незаборавна атмосфера. Организаторите најавуваат високопродукциски настап, со сценографија и светлосни ефекти какви што доликуваат на една од најголемите латино поп ѕвезди на светската сцена.
Се очекува на репертоарот да се најдат и некои од најголемите хитови на Ricky Martin, меѓу кои легендарните „Livin’ la Vida Loca“ и „La Copa de la Vida“ – песни кои со години се симбол на светската поп и латино сцена и кои ги креваат публиките на нозе ширум светот.
Со ваков гостин, „Belgrade River Fest“ ветува вечер исполнета со ритам, страст и вистинска музичка еуфорија, а Белград повторно ќе се претвори во регионален центар на големите музички спектакли.
Љубителите на латино поп музиката од целиот регион веќе со нетрпение го очекуваат овој концерт, кој ветува вистинска летна журка под ѕвездите.
Текстот го подготви: Редакција Музика24