Поп дивата Јелена Карлеуша повторно ја разбранува јавноста со своите искрени и безвлакнести изјави. Таа вчера се појави на снимањето на музичкото шоу „Пинкови ѕвезди“, каде пред камерите отворено зборуваше за актуелните теми што ја тресат естрадата.
Карлеуша се осврна на младиот пејач Јаков Јозиновиќ, кој изведува туѓи хитови, нагласувајќи дека тоа може да биде краткорочен успех, но не и рецепт за долга кариера.
„Секој може да има пет минути слава додека трае хајпот. Но кога ќе исчезне, ќе останеш без ништо – без пари, без менаџер. Само оние што снимаат свои песни ќе траат“, изјави Карлеуша, додавајќи дека нејзините зборови често се вадат од контекст на интернет.
Пејачката жестоко реагираше и на изјавата на Милица Павловиќ, која рече дека не би ѝ се јавила на улица и дека нејзината реакција би зависела од расположението.
„Зошто воопшто ја прашуваат за мене? Срам да ѝ е! Какво е тоа – од расположение да зависи како ќе реагира кога ќе ме види?“, изјави видно револтираната Карлеуша.
Најголемо внимание привлече нејзината приказна поврзана со Светлана Цеца Ражнатовиќ. Карлеуша потврди дека некои песни првично биле наменети за неа, но на крајот завршиле кај Цеца. Според неа, композиторот Александар Милиќ Мили ѝ се јавил и ѝ соопштил дека песната „Вретено“ ќе ѝ припадне на Цеца, бидејќи тоа го побарал Жељко Ражнатовиќ Аркан.
„Можеме да се караме 150 години, но таа има свои песни – и тоа какви. Многу од нив требало да бидат мои, но кога ќе отпаднат кај мене, завршуваат кај неа“, откри Карлеуша, дополнувајќи дека ова е „нов скандал“.
Текстот го подготви: Редакција Музика24