Едно од највлијателните и најслушани радија на Балканот, Naxi Radio, оваа година му оддаде големо признание на младиот и сè попопуларен пејач Јаков Јозиновиќ, номинирајќи го во дури три престижни категории. Јаков се најде во изборот за концерт на годината, пејач на годината и песна на годината — успех што ретко кому му успева и кој јасно покажува колку неговото име станува препознатливо низ целиот Балкан.
Во време кога музичката сцена постојано се менува, Јаков успеа да изгради свој препознатлив стил, искрена емоција и силна врска со публиката. Неговите настапи се полни со енергија, а песните сè почесто стануваат омилени меѓу младата публика која секојдневно го следи и поддржува.
Веста за номинациите експресно се прошири на социјалните мрежи, каде неговите фанови масовно споделуваат повици за гласање и поддршка. Многумина веќе го сметаат за едно од најголемите музички изненадувања на новата генерација. Гласањето е официјално отворено, а поддршка можат да дадат и слушателите од Македонија преку официјалната страна на Naxi Radio.
Текстот го подготви: Андреа Андреевиќ