По повод започнување на 29-то издание на Фестивалот на забавни мелодии “Макфест”, денес во градот домаќин се крена фестивалското знаме пред Домот на културата во Штип, каде всушност и се одржува секоја година овој познат македонски музички фестивал. Овој настан беше проследен од многу медиуми, како и дел од учесниците на овогодинешното издание.
Градоначалниот на Штип Прим.м-р Илчо Захариев со свој говор официјално го стартуваше тридневното музичко забавување, дружење и музички натпревар. По неколкугодишна апстиненција од учество на познати музички имиња, конечно, “Макфест” оваа година ги собира најголемите ѕвезди од македонската музичка сцена.
Нокаут, Тамара Тодевска, Влатко Илиевски, Елвир Мекиќ, Александар Белов, Биба Додева… се само дел од натпреварувачите кои овие неколку вечери ќе продефилираат на сцената на “Макфест”. Се надеваме и очекуваме одличен фестивал, композиции кои ќе се паметат и секако одличен тв пренос, знаејќи дека минатата година финалето за прв пат по толку години одржување на овој фестивал не се емитуваше во живо.
Подготви: Маргарита Робевска

