Македонскиот поп пејач Мите Пауноски со нов видео запис за песната “Денот да почне со тебе”, чиј автор на музика и аранжман е Лазар Цветкоски, а автор на текстот е Магдалена Цветкоска Ена. По одличните изданија на Мите за песните “Далеку од очи, далеку од срце”, “Како да ти кажам збогум”, “Кажи место, кажи време”, ова е негово четврто издание и наскоро сите негови изданија ќе се најдат на првиот студиски албум.
Видео записот е изработен од креативниот тим на Горила Филмс, а истиот е сниман на локации во Љубаништа – Охрид и “Хотел Изгрев” во Струга. Се надеваме дека спотот ќе ви се допадне и оваа песна ќе биде одлична најава за вистинско летно уживање.
Подготви: Дениза Илиевска
