Скопскиот рок бенд од алтернативната сцена “Визија“ следната недела ќе настапи на големиот музички фестивал “Егзит“ во Нови Сад, Србија.
“Визија“ доби шанса за настап преку регионалниот конкурс Play@EXIT на кој се пријавија повеќе од 450 бендови, а одбрани се најдобрите 33 изведувачи кои ќе имаат можност да ја претстават својата музика од 5 до 9 јули на Петроварадинската тврдина.
Предвидено е “Визија“ да настапат на “Fusion“ стејџот.
Бендот го сочинуваат: Марко Џамбазоски на соло гитара и придружен вокал, Марко Гапо – вокал и ритам-гитара, Лилјана Јанкова – бас-гитара и придружен вокал како и Синиша Ѓорѓевиќ на тапани.
Подготви: Филип Етмишовски
