Еден од навистина најдобрите и најголеми DJ-и на светот на сите времиња Armin Van Buuren ќе биде вториот хедлајнер на неверојатно атрактивното издание на “Ohrid Calling 2018”. Како што веќе најавија организаторите, препознатливите и веќе докажани Авалон продукција, првите хедлајнери на “Ohrid Calling 2018” се Dimitri Vegas & Like Mike кои ќе настапат на 01-ви август, ноќ спроти Илинден, на стадионот “Билјанини извори”, додека Armin Van Buuren како втор хедлајнер, ќе настапи во сабота, на 04-ти август на истото место.
Човекот кој четири години по ред беше прогласуван за најдобар DJ според списанието “DJ Mag”, се има закитено со многу признанија и награди. Неговите албуми се продаваат во огромни тиражи, а дел од неговите траки стануваат огромни радио хитови. Радио-шоуто “State of trance” чиј водител е токму тој, е најслушано радио-шоу во областа на електронската музика, што е уште една потврда за квалитетот на овој Холанѓанец.
Настапите на Armin Van Buuren секогаш се енергични и полни со одлични нумери, но и со изненадувања. Сигурни сме дека и неговиот настап во Охрид ќе биде забележан како еден од низата феноменални настапи на Аrmin van Buuren, кој ќе привлече бројни фанови од Европа. Влезниците во продажба од денес среда (27.12) преку продажната мрежа на kupikartizase низ цела Македонија, и тоа по следниве цени:
- ПАРТЕР 2 – 1000 денари
- ПАРТЕР 1 – 1.500 денари
- ФАН ПИТ – 2.000 денари
Од денес, 27-ми ќе бидат пуштени и блок влезеници за ова шоу и она на Dimitri Vegas & Like Mike по цени од:
- ПАРТЕР 2 – 1.600 денари
- ПАРТЕР 1- 2.100 денари
- ФАН ПИТ- 3.000 денари
Многу важно што секако би требало да го знаете, а го потенцираат организаторите: Axwell & Ingrosso, Dimitri Vegas & Like Mike, Armin van Buuren… делува неверојатно, но е вистинито. И тоа не е се! Одиме понатаму, останете вклучени!
Подготви: Марија Поповска
