Како што дознава музичкиот портал Музика24, нашата позната македонска поп пејачка Елена Ристеска ќе биде дел од низата манифестации кои што на 25-ти јануари ќе се оддржат во Крушево по повод одбележувањето на 38-от роденден на нашата за жал прерано почината поп ѕвезда Тоше Проески.
Елена која патем му беше една од најдобрите пријателки на Тоше, во Спомен куќата на Тоше Проески и во негова чест ќе отпее неколку негови песни. Оваа вест ја потврдија и од Општина Крушево велејќи дека Елена поканата ја прифатила без размислување.
И изминатите години со најразлични манифестации, промоции на необјавени песни, концерти, хуманитарни акции, уметнички изложби и слични настани, беше одбележуван роденденот на најголемата музичка ѕвезда во регионов, кој настрада во сообраќајна несреќа во Нова Градишка, Хрватска во 2007-та година.
