На илјадници луѓе во публика и околу 200 милиони љубители на Евросонг пред малите екрани, годинава се поизвесно е дека постои можност да им биде скратено задоволството да ја проследат омилената музичка манифестација. Поради новонастанатата состојбата под знак прашалник е доведено одржувањето на Евровизија, кое е планирано да се одржи во Ротердам, Холандија, од 12-ти до 16-ти мај.
Од страна на организаторите се уште нема официјална најава за можно откажување на настанот, а претставници на ЕБУ (European Broadcasting Union) порачаа дека ќе ја следат состојбата и препораките на властите и на Светската Здравствена Организација.
Како што пренесува британскиот медиум “Mirror” се земаат во предвид повеќе можни сценарија, па дури и изведувачите да настапат во својата земја, а изведбата да се следи преку видео линк. Во тој случај, ќе биде намалена паниката и стравот од патувањето и можноста за ширење на коронавирусот.
Нашиот претставник на Евровизија 2020, Васил Гарванлиев вечерва во централниот дневник на првиот програмски сервис на Македонската радио телевизија ќе ја промовира својата песна “You”.
