Музика на кирилица

Дуото Дени Омерагиќ и Нинослав Спировски го издадоа албумот „Two Ways East”

Независната издавачка куќа Шарла Рекордс го претставува албумот „Two Ways East” на дуото Дени Омерагиќ и Нинослав Спировски. Се работи за две добро познати имиња на македонската независна музичка сцена преку нивните проекти како членови на групите „Fighting Windmills”, „Светлост” и неколку други успешни колаборации. За разлика од таму, каде Дени и Нино ги свират своите матични инструменти – бас/контрабас и саксофон/кларинет, овде, овие школувани музичари прават исчекор кон музика компонирана и изведена на две пијана.

Композициите од овој албум се работени првенствено преку процесите на спонтана композиција и врамена импровизација, како и варијации на однапред зацртани теми.

Жанровски се скоро невозможни за дефинирање, сместени во контекстот на еклектичен пост-модернизам, иако музичката историја на авторите неизбежно сугерира free jazz дискурс. Албумот „Two Ways East” се состои од 3 композиции со вкупно времетраење од 45 минути и може да се преслуша и на одредено време и слободно може да се симне на следниот линк: https://sharla.bandcamp.com/album/two-ways-east-lp

Можеби ќе ве интересира: