Три хита на Маја Беровиќ се отстранети од YouTube каналот на „Империја“, продукциска куќа во сопственост на музичарите Амар Хоџиќ и Јасмин Фазлиќ, познати како Буба Корели и Јала Брат. Причината е наводна кражба на авторско право, за песната „Балмаин“ (објавена во 2017 година на албумот „Викторија Сикрет“) како и „Сама“ и „Вип“ (објавени во 2018 година, на албумот „Седам“).
За овие три песни Беровиќ наводно им платил вкупно околу 30.000 евра на Буба и Јала, сметајќи дека тие се автори на композициите и текстовите, но се чини дека не е сè баш така. Имено, автори од странство се побуниле и наводно поднеле тужби, бидејќи тврдат дека во тие песни биле користени нивните мелодии, објавени на таа платформа многу порано. Според правилата на YouTube, кога ќе се појави таква ситуација некој да тврди дека е украдена, спорните објави веднаш се отстрануваат сè додека не заврши спорот и докажувањето на авторските права.
Ова значи дека Буба и Јала ќе треба да достават докази дека ги напишале композициите за песните „Балмаин“, „Вип“ и „Сама“ и дека не користеле туѓи креации без овластување, во спротивно овие видеа трајно ќе бидат отстранети од YouTube.
