Двете пријателки, ѕвездата на „Медена земја“ – Атиџе Муратова и пејачката и водителка Сузана Турунџиева ја промовираа својата прва музичка соработка. Нивната песна е насловена „Иста судбина“. Автор на текстот е Огнен Неделковски, а музиката и аранжманот се на Роберто Поп Димитров.
„Пандемијата, сосе сите ограничувања и забрани што ни ги наметна, на сите ни проектира ИСТА СУДБИНА, ама не успеа да ни ја убие желбата за музика… За оваа музичка „судбина“ се заслужни Роберто Поп Димитров, Огнен Неделковски и Валентина Колева… БЕСКРАЈНО благодарам за укажаната доверба и за песната во која многумина ќе се пронајдат… Иако официјално ќе ја промовираме во сабота во Штип, ја споделувам вечерва на овој прекрасен празник Свети 40 маченици Младенци – празник на младоста и љубовта!“ – објави Турунџиева.
