Фестивали

„Охрид  фест“ со фолк и интернационална вечер на 10-ти и 11-ти септември

На 10-ти и 11-ти септември на Долни Сарај во Охрид, ќе се одржи овогодинешното издание на „Охрид  фест“. Годинава фестивалот е конципиран во две вечери, во Фолк и Интернационална, кои ќе се случуваат на 10-ти и 11-ти септември, со што продолжува музичката традиција долга 28 години.

„Минатата година, и покрај неизвесноста со пандемијата, го одржавме фестивалот, на што сме особено горди. Продолжуваме каде што застанавме, очекуваме квалитетни песни кои ја следат трубадурската традиција, но и многу добри поп-композиции и атрактивни гости на Интернационалната вечер“, вели првиот човек на фестивалот, Григор Копров.

На Фолк вечерта ќе настапат: Благица Павловска, дуетот Баже Груевски и Сани, Ирена Спасовска, Барбара, „Скопски боеми“, Петар Нечовски, „Соната“, Нино Величковски, Петар Христов, групата „Лихнида“ и многу други. Ќе ги видиме и: „Нокаут“, Ристо Самарџиев, Александар Јосифовски, Димитар Андоновски, Филип Јордановси итн. А организаторите најавуваат многу музички изненадувања на Интернационалната вечер.

Годинава „Охрид  фест“ посебен акцент и внимание им посветува на новите музички сили, на дебитантите што ќе ја започнат својата музичка кариера токму од Охрид.

Можеби ќе ве интересира: