Милан Лача Радуловиќ и Љубица Његомир решија да основаат фондација посветена на борбата против ракот, од кој починаа нивните мајки, Марина и Мерима.
Информацијата ја сподели синот на Марина на Твитер, во негово и во име на Љубица.
Вчера, 19 февруари, навршија пет месеци од смртта на нашата Марина Туцаковиќ. И на денешен ден пред три месеци не напушти Мерима Његомир. Во согласност со плановите презентирани на Меморијалниот собир во чест на Марина Туцаковиќ минатата година, а по неодамнешниот договор со Љубица Његомир, со гордост го објавуваме формирањето на Фондацијата Туцаковиќ-Његомир, која првенствено ќе има за цел борба против ракот на дојката и панкреасот и другите малигни заболувања. – напиша Лача на Твитер.
Тој откри и кога здружението официјално ќе биде основано.
Сакаме датум на основање да биде 20 март, Националниот ден за борба против ракот на дојката и се надеваме дека оваа симболична желба ќе се оствари. За повеќе детали јавноста ќе биде навремено информирана.
