Фестивали

CMC телевизија започна со емитување на фестивалската емисија “Во пресрет на CMC фестивалот” (Видео)

14-то издание на хрватскиот музички фестивал “CMC Festival”, кој е и еден од најголемите музички хрватски фестивали на Балканот и во регионот, повторно ќе собере илјадници фанови и обожаватели на забавната и поп музика кој на 10-ти и 11-ти јуни во сончева атмосфера на море ќе уживаат во изведбите на најпознатите регионални музички имиња.

Во два дена, додека ќе трае фестивалот, ќе настапат повеќе од 40 изведувачи, а после минатогодишното издание со одредени правила, и ограничувања поради тогашната ситуација, овој 14-ти по ред “CMC Festival” е еден од најочекуваните до сега.

Од 13-ти април познатата музичка телевизија СМС Телевизија започна со емитување на фестивалската емисија “Во пресрет на CMC фестивалот” која се емитува секоја среда од 19 часот и 15 минути, а освен на оваа телевизиска станица, емисијата посветена на музичкиот фестивал се емитува ширум Балканот, на тв и радиостаниците кои се медиумски покровители на “CMC Festival”.

Оваа година фестивалот има повеќе од 80 медиумски покровители, меѓу кој е и македонскиот музички портал Музика24 од Македонија, кој ќе ги следат сите случувања поврзани со фестивалот и се што е поврзано со него. За време на двата фестивалски денови, освен вечерите кои се и официјално дел од самиот фестивал, присутните а и тв гледачите, ќе имаат можност да погледнат концерти од познати музички имиња кои ќе се одржат за време на самиот фестивал. Со оглед на тоа дека “CMC Festival” е ревијален, не би имало потреба да се навива и гласа за омилениот пејач или пејачка, бидејќи за тоа едноставно нема да има потреба.

Иако целата музичка програма се уште не е позната, познато е дека на фестивалската сцена ќе се појават познатите музички имиња: Неда Украден, Младен Грдовиќ, Златко Пејаковиќ, Јасмин Ставрос, Жера, Лидија Бачиќ Лиле, Ивана Ковач со Жељко Бебек (чии концерт е најавен на првиот фестивалски ден). Освен овие изведувачи, на фестивалската вечер се враќаат и: Давор Борно, Џентлмени, Франо Пехар и Тарапана, Индира, Љубавници, Дино Петриќ, Елио Писак, Матија, Учитејице… и уште многу други познати музички имиња.

Како што не известуваат нашите соработници, наскоро во продажба ќе се најде и фестивалска компилација во издание на Кроација Рекордс на кој ќе бидат сите фестивалски песни.

Бидете со Музика24, наскоро повеќе информации за музичкиот фестивал “CMC Festival”.

USUSRET CMC FESTIVALU VODICE 2022 ŽELJKO BEBEK, IVANA KOVAČ, NINA DONELLI, MARIJA JELOVEČKI

Можеби ќе ве интересира: