После концертот во Скопје, Авалон продукција организира уште едно дружење со Каролина, на голем концерт на отворено во Охрид! Каролина ќе ги изведе своите најголеми хитови на 4-ти август во Касарна – Охрид.
Патувајќи низ времеплов од спомени и емоции, на 4-ти август во живо ќе може да ги слушнете: ,,Хипокрит”, ,,За нас”, ,,Капка под небото”, ,,Не се враќаш”, ,,Се лажам себе” и уште многу други хитови кои ја одбележаа 30 годишната кариера на Каролина. Влезниците ќе бидат пуштени во продажба од петок (15.07) онлајн на avalon.mk, Кај Аждер и низ нашата продажна мрежа низ Македонија по следните цени и категории: Партер – 500 денари, Фан пит – 700 денари, Вип – 1200 денари.
