Во Шабац откриен споменик на Шабан Шаулиќ, кој загина пред три години во сообраќајна несреќа во Германија. Бронзената статуа висока четири метри, дело на познатите српски скулптори Зоран Ивановиќ и Богдан Доброта, поставен на просторот на старата автобуска станица, од каде Шабан, како во песната, намерно отишол во големиот град и го освоил светот. Изградбата на споменикот ја финансираше семејството, а локацијата ја обезбеди градот.
„Ова не е случајно место, ова е место во близина на родното место на Шабан. Ова е местото од каде од старата автобуска станица тргна патот кон Белград од Шабац и ги освои невидените музички, но пред се човечки височини“, изјави градоначалникот на Шабац, д-р Александар Пајиќ.
На свеченоста покрај неговата сопруга, ќерката на Шабан, Илда, беа многу колеги од естрадата, многу жители од Шабац и околните градови.
Со ова спомен обележје Шабан се враќа во својот град, во времето на неговите почетоци. На градот што го сакаше со сето свое срце и на кој се гордееше – рече Гордана Шаулиќ, сопругата на починатиот „крал на народната музика“.

