МКЦ Битола ги најави првите изведувачи на фестивалот „Битола отворен град 2023“. На големиот концерт во сабота (24 јуни) ќе настапи румба-фјужн бендот „Арумбо“.
Тие изведуваат песни кои провоцираат танц со мелодии кои доаѓаат директно од срце и од моментот во животот во кои самите се наоѓаат, вреднувајќи ја пораката и луѓето со кои работат. Нивната светска грув музика е со влијанија од Блискиот Исток и е елегантна, но и мистериозна. Небесниот вокал, ориенталниот звук и комбинацијата на музичари ќе ве натераат да сонувате и ќе ви дадат митска, позитивна енергија! Запомнете го „Арумбо“ кој преку совршени звуци од Шпанија и Белгија ќе не поврзе со мистериозниот простор на духовност кој сите го носиме во себе.
