Во прв ред

Наскоро во продажба билетите за концертот на Здравко Чолиќ

Специјализираниот македонски музички портал Музика24 Ве известува дека на 31-ви мај ќе се оддржи концертот на познатиот балкански пејач Здравко Чолиќ. По тој повод, организаторот на овогодинешниот концерт на легендарниот Чолиќ, Туристичката агенција “Гуливер Милс”, наскоро започнува со продажба на влезниците. Од таму велат дека со секоја купена влезница, ќе следува најновиот студиски албум на екс ју музичката ѕвезда насловен “Ватра и барут”.

Колку за потсетување новиот материјал содржи 12 нови композиции, зад кои како автори се потпишуваат Бајага, Марина Туцаковиќ, Антонија Шола, самиот Чолиќ…, а куриозитет е гостувањето на нашиот музички гениј, виртуозот на гитара Влатко Стефановски, кој со своите гитарски бравури ја обои токму насловната “Ватра и Барут”. Концертното преслушување на најновиот албум, но и потсетувањето на најголемите хитови на Чолиќ, е закажано на 31 мај во арената “Борис Трајковски”.

Во исчекување на гостувањето на Чолиќ во Скопје и концертната промоција на албумот “Ватра и барут” Чолиќ за фановите подготви нови видео изненадувања. Така, првиот видеоспот е за нумерата “Што ти дадох”, која за рекордно време стана хит ширум регионот, а всушност е романтичната приказна за љубовта. Веќе следниот е за “Есма” и е романтично патување со воз на едно момче кое тргнало на средба со саканата. Кадрите се снимани во воз на белградската железничка станица, на Мокра Гора и на Петроварадинската тврдина.

Подготви: Магдалена Атанасовска

Можеби ќе ве интересира: