Познатата хрватска музичарка, Сања Долежал, позната како долгодишен вокал на популарниот состав “Нови фосили” од неодамна работи на новиот мјузикл “Менопауза”. Мјузиклот е работен според лиценца за мјузиклот кој пред 3 години се играше на “Бродвеј” во ЊуЈорк. Покрај Долежал играат и: писателката и актерка Аријана Чулина, водителката Кармела Вуков – Чолиќ и имитаторката Саломе.
Дејството се одвива во трговски центар каде во борба за ист црн чипкан градник ќе се сретнат домаќинка, реалити ѕвезди, претприемачка и хипи девојка. Сите сфаќаат дека освен желбата за истиот градник за сите е заедничко дека се во менопауза. Постои и словенечка верзија на овој мјузикл во кој игра пејачката Хелена Благне.

