Со мотото “Слушајте македонска музика”, заврши првата полуфинална вечер од 29-то издание на Фестивалот за забавни мелодии “Макфест”, кој што се одржува во Штип. По ревијалниот дел и гласањето во меѓувреме, новите водители Маријана Станојковска и Димитар Атанасовски ги прогласија и соопштија финалистите кои влегуваат во големото саботно финале. Тие се:
- Јоце Панов – “Само немој да молчиш”
- Александар Белов – “Дојди ми ти”
- Емил Арсов – “Сите знаат”
- Мики Секуловски – “Како да преживеам”
- Симона Поповска – “Како да заборавам”
- Дарко Илиевски – “Кога најмногу ми требаш”
- Маја Вукичевиќ – “Остани”
- Викторија Лоба – “Само мој” и
- Лена Заткоска – “Ти не знаеш”
Се надеваме дека токму Вашиот фаворит и музички идол од оваа прва макфестовска фестивалска вечер влезе во финалната вечер. “Макфест” утре продолжува со нови композиции и нови изведувачи. И утре МРТ ќе врши директен пренос на својот прв програмски сервис.
Подготви: Магдалена Атанасовска
