Тамара Тодевска влезе во финалето на Евровизија 2019 во Тел Авив, Израел. Со моќната изведба на песната “Горда”, Тамара ги воодушеви присутните во салата. Мотото на годинашниот евровизиски избор е “Осмели се да сонуваш”. Во финалето се пласираа 10 од 17-те учесници во втората полуфинална вечер.
Финалисти од втората полуфинална вечер се Република Македонија, Холандија, Албанија, Русија, Шведска, Азербејџан, Данска, Норвешка, Швајцарија и Малта. Годинава во ревијалниот дел настапија и лицата со посебни потреби и со хендикеп со сопствено шоу кои ја кренаа публиката на нозе.
Германија, Израел, Италија, Франција, Израел и Шпанија се земјите кои директно влегоа во саботното финале. Во сабота ќе се појави и Мадона која премиерно ќе го изведе новиот сингл “Иднина” заедно со Куаво.
