Подготовките за новиот меѓународен фолклорен фестивал веќе наголемо се завршуваат, а до фестивалот остануваат уште само 5 дена.
Фестивалот кој ќе претставува нов културен настан за Прилеп и прилепчани има за цел претставување на традиционалниот фолклор кои ќе овозможи културна размена преку традиционална музика и игри.
Новиот меѓународен фолклорен фестивал „Итар Пејо“ кој викендов се одржува во Прилеп е под покровителство на Општина Прилеп и Центарот за култура „Марко Цепенков“, а истиот е поддржан од повеќе фирми и претпријатија во Прилеп.
Официјалната програма за фестивалот е следна:
*14 август 2026 година (петок) 19:00 часот пред споменикот на Итар Пејо
-Прошетка низ Прилеп
-Детска работилница на Могилата на непобедените
-Свечено дефиле на учесниците
-Фестивалски настап кај споменикот на Итар Пејо
*15 август 2026 година (сабота) 19:00 часот во НУЦК„Марко Цепенков“-Прилеп
-Креативна работилница
-Главна фестивалска вечер
-Забава на летна сцена при НУЦК„Марко Цепенков“-Прилеп
Влезниците за втората фестивалска вечер може да се набават секој работен ден од 10 до 12 часот на билетара од Центарот за култура „Марко Цепенков“-Прилеп по цена од само 100 денари.
Инаку, Меѓународниот фолклорен фестивал е во организација на КУД „Мирче Ацев“-Прилеп.
Од Прилеп за Музика 24 известува: Христијан Ангелески

