Со концертот на Liberquatro Tango ансамбал од Србија, вчера вечер во Битола започна Фестивалот на музика од светот. Тие изведуваа танго и џез комбинирани во мелодиски и ритмички обрасци на танго со хармонија и импровизација на џез. Овој нов пристап на тангото и џезот се фаворизира ширум светот како world music. Категорија на која е посветен и овој наш убав фестивал. Фестивалот го организира Центарот за култура – Битола а ќе трае до недела.
Не можам да се согласам со зборовите дека јас сум најзаслужна за одржување на Фестивалот за време на корона, затоа што ова е место каде сите заедно, јас и Вие, постојано ја спасуваме културата во изминатите две години. Ако некогаш 150 луѓе во сала беше пораз, денес во оваа тешка реалност која сите ја живееме, е победа. Затоа сакам да Ви се заблагодарам на сите кои вечерва сте тука, а ќе бидете тука и целиот викенд, заедно да го прославиме фестивалот „Музика од светот“. Ние вечерва сме малку, пребројани, љубители на мизуката, но само така можеме да го спасиме светот, а тоа е мојата благодарност за сите Вас, рече директората на центар за култура, Маја андоновска – илијевски.
Вечерва на програмата е концерт на Биља Крстиќ со Битолскиот камерен оркестар, а фестивалот ќе се затвори во недела со концерт на Битолскиот дувачки оркестар и повеќе солисти ќе изведат македонски евергрини. Тие се: Бојан Стојков, Димитар Андоновски, Јасна Димитровска, Зарина Прва Севда, Тамара Стојковска и Нико Ѓоргиевски.
Фото: Диоген Хаџи Коста Милевски






