Фестивали

Во продажба билетите за 42-то издание на Скопски џез фестивал

Влезниците за претстојното издание на традиционалниот Скопски џез фестивал, што годинава ќе се одржи од 17-ти до 20-ти октомври, се достапни на билетарницaтa на МОБ и онлајн на МКтикетс. Фестивалот годинава ќе го отвори супериорно најдобрата и најпопуларна џез-пејачка во светот, трикратната Греми лауреатка Сесил Меклорин Салвант од САД со нејзиниот блескав квартет во кој, меѓу другите, членува и еден од водечките американски џез-пијанисти, Саливан Фортнер.

Опишана од Џеси Норман како „уникатен глас поткрепен со интелигенција и апсолутна музикалност”, Салвант се прослави со својата способност да откопува заборавени песни, оживувајќи ги со силни наративи, неочекувани пресврти и богата емоционална длабочина. Концертите на Сесил Меклорин Салвант се неповторливи доживувања, во кои таа покажува неверојатно чувство и талент за раскажување приказни.

Фестивалската програма годинава е исклучително силна, внимателно селектирана и исполнета со низа ексклузивни настапи на некои од најголемите светски имиња на современиот џез и креативната музика денес:

17-ти октомври
МОБ, 20:00 ч. – Cecile McLorin Salvant
МКЦ, 23:00 ч. – Next to Silence

18-ти октомври
МОБ, 20:00 ч. – Rodrigo Amado Тhe Bridge • The End

19-ти октомври
МОБ, 20:00 ч. – David Virelles • Rob Mazurek Exploding Star Orchestra
МКЦ, 24:00 ч. – Alabaster DePlume

20-ти октомври
МОБ, 20:00 ч. – Nicole Mitchell & Mark Sanders • Fire! Orchestra

Програма плус
12-ти октомври, AудиоКултура, 20:00 ч. – Промоција на CD: Next to Silence – ‘Ruh’
16-ти октомври, Галерија МКЦ, 19:30 ч. – Rob Mazurek: Radical Chimeras – изложба
16-ти октомври, Кино Фросина, 21:00 ч. – Miles Davis: Birth of the Cool – докум. филм
19-ти октомври, Јуроп Хаус, 12:00 ч. – Jazz for Kids – работилница за деца

Можеби ќе ве интересира: