Мајкл Дамески кој што светската јавност го запозна преку големото глобално шоу “World of Dance”, верувале или не, настапил на детскиот фестивал “Златно славејче” во 2007-та година. Тогаш малиот Мајкл пред македонската публика ја отпеа песната “Еден танц”. Песна која што во продолжение ќе имате можност и да ја преслушате, а воедно и да се уверите во тоа дека уште од мали години ова момче професионално танцува.
Денес Мајкл има 22 години. Роден е и живее во Сиднеј, Австралија, а по потекло е Македонец. Неговите родители се од градот Прилеп, и тие заминуваат во пред раѓањето. Ова младо момче денес е успешен и познат танчер кој што настапува во познати мјузикли, а еден од нив е и популарниот “Били Елиот”. Изминатиот период Мајкл се натпреваруваше во познато танц шоу кое што го организира Џенифер Лопез и во финалето го освои второто место.
“Можеби не освоив милион долари, но освоив милион срца”, напиша тој на неговиот Инстаграм профил по завршувањето на натпреварот. А во продолжение, со задоволство ви предлагаме да го погледнете неговиот одличен настап.
https://www.facebook.com/NBCWorldofDance/videos/295163591263682/
Подготви: Редакција Музика24
