Сара Мејс премиерно го објави својот најнов музички проект „Хероина“. Станува збор за безвременскa порака, која ја носи самиот текст на песната, која е мотивирачка, охрабрувачка и ветува позитивни реакции, особено од женскиот пол. Автор на текстот и на музиката е Сара Мејс, а за аранжманот се погрижи Роберт Билбилов. За песната е подготвен и видео запис, кој ќе биде објавен наскоро и во него главната улога ќе ја имаат силни, жени – вистински хероини.
Како и во сите претходни музички проекти, така и во песната „Хероина“, преку текстот и музиката, Сара Мејс изразува силна емоција, овојпат посветена на секоја жена, девојка, мајка, ќерка. Во песната е опеана самодовербата, силата, упорноста и успешноста на жените на секое поле, односно нивната величенственост.
„Со „Хероина“, Сара Мејс одново ја докажа својата посветеност кон нејзиниот музички стил, како и кон нејзината многубројна публика, затоа што и овој проект е одраз на квалитетна музика, текст кој заслужува особено внимание и инспиративен видео запис, кој ќе имате можност да го видите наскоро“, информираат од тимот на Сара.
