Музика на кирилица

„Од љубов не се бега“ нова верзија снимена од Игор Атанасоски – Харе (Видео)

Познатиот македонски музичар Игор Атанасоски – Харе инспириран од поезијата на Зафир Хаџиманов сними своја блуз верзија на песната „Од љубов не се бега“, за која е снимен и интересен видео запис.

“Позната песна на Зафир Хаџиаманов, „Од љубов не се бега“, што тој често ја изведуваше на концертите ме плени со својот текст, но јас направив поинаква музика и аранжман. Песната е напишана со едноставен народски јазик, исто како блуз мелодиите и тоа ме повлече да и дадам таков музички облик”, рече Игор Атанасоски – Харе.

Песната е снимена во студиото „Тралала Скопје“ на Мите Димовски, кој беше и продуцент, а и со своите тапани го збогати новиот аражман. На Харе кој свиреше гитара, му се приклучија и Трајко Симоновски на бас и Дамир Имери на клавијатури.

Инаку, токму оваа песна на Зафир Хаџиманов, своевремено беше дел од „Ало будење“, првиот македонски мјузикл, за кој Хаџиманов ја напиша музиката, а го режираше Коле Ангеловски и беше на репертоарот на Драмскиот театар во Скопје. Со оваа претстава театарот гостуваше низ цела некогашна Југославија, а песната „Од љубов не се бега“ се слуша сѐ до денес.

Превземено од: Нова Македонија

Можеби ќе ве интересира: