“Чекаме нека помине” е новата песна на кумановскиот поп пејач Марио Арангеловски. Тој открива дека песната е од поранешен датум, но сега нашле за згодно да ја промовираат. Автор е Роберт Билбилов.
“Песната е снимена уште пред година и пол кога излегов од македонското ТВ реално шоу каде и што го запознав Роберт и се договоривме да правиме песна. Планирам и видео спот, но прво сакам да слушнам реакции од аудио верзијата”, вели Марио. Тој има само 21 година и студент е по Социологија на Филозофскиот факултет во Скопје. Зад себе има повеќе музички натпревари и учество во две реални шоуа, едно во Македонија и едно во Србија.
Во продолжение погледнете го неофицијалното видео за оваа песна, односно, изведбата на оваа песна во тв емисијата “Урбан таг” на ТВ21.
Подготви: Влад Петров
