Музика на кирилица

“Таксират” во трка за Европските фестивалски награди “Europe Festival Awards”

Фестивалот “Таксират” повторно е номиниран меѓу најдобрите фестивали во Европа, кои се вклучени во изборот за Европските фестивалски награди (“Europe Festival Awards”). Ова е петта номинација по ред на “Таксират”, кој воедно е и единствениот од Македонија кој влегол во конкуренција на најдобрите фестивали во Европа. Годинава “Таксират” е номиниран во две категории и тоа Најдобар мал фестивал (Best small festival) и Најдобар фестивал кој се одржува во затворен простор (Best indoor festival).

Европските фестивалски награди се меѓународно признание насочено кон енергична фестивалска сцена. Наградите се доделуваат во повеќе категории, вклучувајќи ги и двете номинации на “Таксират”, а за наградите одлучува публиката, со онлајн-гласање, со што фестивалските фановите имаат можност да им покажат на организаторите колку и каде најмногу уживале. Гласањето е отворено за јавноста до 1-ви ноември на следниот линкот: http://euvoting.festivalawards.com.

Подготви: Викторија Трајковска

Можеби ќе ве интересира: