Викторија Лоба вчера во ресторанот “Four” го промовираше својот прв студиски албум во две изданија македонска “Нов свет”, и англиска “New World”. Во рамки на настанот Лоба и Марга Сол настапија со песните: “Она вистинско”, “Девет работи”, “All the love” и “Нов свет” кои се дел од новиот албум.
Промоцијата помина во одлична атмосфера, а Марга Сол ги забавуваше гостите до самиот крај. На настанот се појавија голем број на градски фаци, меѓу кои Роберт Билбилов и Тајзи со кои Лоба има две соработки, односно дуети во рамки на албумот.
Наскоро ќе имаме можност повторно да ја слушнеме во живо и тоа на истата локација, ресторан “Four”, кадешто ќе настапува за Нова година.
Албумите “Нов свет” / “New World” се снимани во M-Sol Records Studio, Just RB Studio и студио Јованови. Музички продуценти се Марга Сол и Роберт Билбилов. Викторија Лоба се појавува како текстописец на албумот, во кој на суптилен начин го раскажува сопствениот живот.
Албумите се достапни преку сите дигитални и стриминг сервиси. На онлајн продавницата на македонската издавачка куќа M-Sol Records (www.m-solrecords.com) албумите ќе можат да се купуваат дигитално и во ЦД формат, со достава низ Македонија
