Премиера

Антониа Гиговска го промовираше видеото за победничката песна на “Макфест” (Видео)

По учеството на меѓународниот фестивал во Брешов, Романија каде го освои второто место, младата пејачка Антониа Гиговска неодамна ја однесе победата на 33-то издание на Фестивалот на забавни мелодии “Макфест”. “Никогаш не вели никогаш” е победничката песна за која освен стручното жири, гласаше и присутната публика во салата за време на одржувањето на финалето на “Макфест”. И овој пат зад оваа хит песна стојат Лазар и Магдалена Цветковски, кои во нашата држава важат за најголеми хитмејкери.

Антониа за новата песна ќе изјави:

“Уште кога за првпат ја слушнав песната знаев дека е за на “Макфест” и бев убедена дека ќе освои награда. Лазар и Магдалена уште еднаш си ја завршија својата работа како што треба и навистина сум пресреќна. Оваа 2018-та ќе ја паметам само по убави работи”, изјави Антонија. Веднаш по завршувањето на фестивалот, таа заедно со својот тим го промовира видео спотот за победничката макфестовска, во кој што свое учество зема и моделот Павле Николов. Видео спотот е дело на Даниел Јовески.

Подготви: Влад Петров

Можеби ќе ве интересира: