На 27 февруари 2025 година, Битола повторно ќе заблеска во светлината на љубовта и уметноста! Во Центарот за култура, големата сала ќе биде сведок на единствена вечер посветена на градот со душа – „За мојата Битола“.
Овој специјален настан го одбележува јубилејот од 10 години на „Бабам Битола“, преплетувајќи ја музиката, поезијата и традицијата во едно несекојдневно доживување. Камерниот оркестар од Битола ќе ве води низ магијата на битолските песни, додека талентираните битолски изведувачи ќе ги оживеат спомените на градот што сите го носиме во срцето.
Чоре и Силвана Насух со своите рецитали ќе внесат нежност и инспирација, како допир на поезија која раскажува приказни за љубовта што започнува и трае.
Не пропуштајте ја оваа можност да бидете дел од вечерта посветена на најубавото од Битола. Резервирајте ги вашите карти на време, бидејќи љубовта кон Битола и нејзината уметност не трпи одложување.
