Во прв ред

МКЦ домаќин на панк-рок пикник (Фото)

Во сабота 7-ми јуни во Младинскиот културен центар во Скопје, ќе се одржи панк-рок пикник, во организација на Sixtynine Records и Coffee Mug Booking. Ќе бидат поставени дистро/merchandise штандови на Sixtynine Records, со настапите на:

– Punk Rawk/Ska/Reggae DJ-ски сет на Fitz aka Feetz vs. Stefan Rajh
– акустичен сет на хМАРКОх

На втората сцена ќе настапат: Noviot Pochetok, Despite Everything, 10 To Go и SEEHEARSPEAK.

Noviot Pochetok (The New Beginning) се добро познати на домашната панкрок публика. За потсетување, бендот постои од 2002-та, зад себе има 3 албуми како и 3 поголеми турнеи во последните неколку години од кои две се Европски. Последен пат пред скопската публика настапија на второто издание на “Земјотрес”. Оваа есен ќе го снимаат новиот албум.

Despite Everything се четири момци од Атина кои ја делат страста за свирење панк-рок, долгите вожњи и неудобни ноќевања низ светот. До сега имаат издадено два 7”, 10” сплит со INxSANE, и 7” сплит со Unfun, а “The Dawn Chorus” минатото лето го промовираа и во Скопје. Имаат отсвирено многу концерти низ Европа и Америка, а сепак ги застануваат скоро на секоја граница. *За љубители на Hot Water Music, Propagandhi, Against Me!

Punk Rok Piknik_2SEEHEARSPEAK е post hardcore проект на Дарио (ex INxSANE) со панк рок позадина и diy етика. Приказна полна со емоции и пријатни чувства, меланхолична музика која пренесува горчлива порака. Овој февруари беа заедно со Real Life Version на нивната прва Европска турнеја.

10 To Go се уште едни панк рок момци од Грција, минатиот пат во Скопје ги гледавме како предгрупа на Wilhelm Scream во МКЦ. Зад себе имаат едно EP, а новиот албум ќе го промовираат на оваа турнеја.

xMAPKOx е соло-проект на Марко Крстевски. Под влијание на направи сам етиката, стрејт еџ филозофијата и фолк-панк музиката реши да ја земе својата гитара и искрено да стои позади секој кажан збор.

Подготви: Редакција Музика24

Можеби ќе ве интересира: