Во прв ред

Спектакл без пауза: Виктор Митровиќ – внукот на Зоки Фаци, и Филип Ацковски со најдолгиот новогодишен дочек во Арена „Борис Трајковски“ (Фото)

Борис Трајковски Арена оваа година ја менува улогата – од спортски темпл станува центар на најголемиот новогодишен електронски спектакл во Македонија. На 31 декември, точно напладне, стартува 17-часовен музички маратон кој ќе ја одброи Новата година во стил што го заслужува модерната електронска сцена.

Повеќе од 30 диџеи од Македонија и странство ќе се менуваат зад пултот, создавајќи континуиран бран од техно, хаус и афро звучни вибрации. Публиката ќе влезе во 2026 година со неповторлива атмосфера што повеќе наликува на европски фестивал отколку на класична новогодишна ноќ. Организаторите најавуваат целосно фестивалско искуство: штандови со храна, зона за тетовирање, штанд за гардероба и идеално осветление за долгиот музички транс кој ќе трае до 05:00 наутро.

Како едно од водечките имиња на македонската електронска музика, Филип Ацковски е човекот што го движи ракотворството на новиот техно бран. Основач на Techno Agency, диџеј со меѓународни соработки и артист чија продукција веќе ги пробива светските плејлисти. Неговите сетови се синоним за енергија, чиста техника и современ европски звук. Ацковски не е само диџеј – тој е мотор на локалната сцена и инспирација за новата генерација таленти.

Од другата страна на пултот е Виктор Митровиќ, свеж и амбициозен талент кој со брзина чекори меѓу перспективните македонски диџеи. Иако нов во светот на електронската музика, неговиот настап и модерниот звук веќе го издвојуваат како артист што го очекува голема иднина. Работата рамо до рамо со најдобрите му донесува непроценливо искуство – и местото на големата новогодишна сцена.

Предпродажбата е во тек по цена од 1.000 денари со вклучен пијалок, а билетите може да се набават преку:

Музичкиот портал Музика24 е еден од медиумските партнери на овој голем новогодишен настан – најдолгиот дочек на Нова година во Скопје.

Оваа Нова Година носи нешто сосема различно – музика што не запира, енергија што расте и сцена што добива сосема ново поглавје. Борис Трајковски Арена се подготвува за спектакл што ќе се памети.

А ритамот? Тој почнува точно во 12:00.

Текстот го подготви: Влад Петров

Можеби ќе ве интересира: