После успешното прво издание, организаторите на големо го подготвуваат и второто издание на македонско-бугарскиот музички фестивал “One love tour”. Како што не информираат, големото отворање на второто издание на фестивалот започнува во Скопје. На него и овој пат целодневна презентација на најкарактеристичното од културата, уметноста, музиката и кулинарските традиции меѓу Македонија и Бугарија.
Настани, поделени по нивниот стил, насочени кон различни профили – семејства со деца, активни млади луѓе и софистицирани возрасни групи. Како музички учесници оваа година на отварањето се најавени: Златно Славејче, Љубојна, Ансамбл Булгаре, Деси Добрева, Сашко Коцев, Фолтин, Графа, Next Time и Слаткаристика. Не заборавајте, 16-ти јуни во Градскиот парк во Скопје. Влезот е слободен.
Подготви: Марија Поповска
