Босанскиот бенд Зостер ќе настапат на втората вечер од музичкиот фестивал “True Sound Of Kamenica 2015” во Македонска Каменица. Еден од највлијателените бендови на Балканот ќе имаат целовечерен концерт на 4-ти јули и со нивниот настап ќе биде затворено второто фестивалско издание. Покрај мегахитовите “Ко је јамио”, “Банана стејт”, “Аста мањана либерта”, “Утопија”, “Волио сам те” и други, Зостер ќе изведат и неколку нови нумери од нивниот последен албум.
Атмосферата пред концертот на Зостер ќе ја загреат македонските хип хоп изведувачи LD Pistolero и Tonyo San. Промотивниот пакет дводневни фестивалски влезници е пуштен во продажба по цена од 200 денари, а влезници може да се купат во просториите на Културно-информативниот центар “Романса” во Македонска Каменица и на влез на фестивалот. “True Sound Of Kamenica 2015” е поддржан од општина Македонска Каменица и од Рудник “Саса”.
Подготви: Редакција Музика24
