Музика на кирилица

Јоце Панов утре со промоција во Белград

Македонскиот поп пеач Јоце Панов, како што веќе пишуваше Музика24, ќе го промовира српското издание на својот втор албум “Огнени печати” (“Ватрени печати”) утре во Белград, кој е во издание на белградскиот “Сити Рекордс”.

Албумот има 14 нови песни и 5 бонус песни, меѓу која е и познатата “Ти пеам песна” и преработката на “Ивана” од познатиот Кемал Монтено. На повеќето песни продуцентот Миро Буљан се појавува и потпишува како автор, инаку познат и по продуцирањето на повеќето песни на Тоше Проески, кои денес се големи хитови.

Промоцијата на српското издание на албумот ќе се одржи во белградскиот клуб “Колектив” со почеток во 20 часот, а истата се одржува токму на денот на роденденот на Јоце. Според најавите, на промоцијата треба да се појави и фолкерот Џеј Рамадановски кој заедно со Јоце ќе исполнат неколку песни. Изненадувањето на промоцијата е тоа што Јоце ќе има дует со српска позната ѕвезда, која што ќе остане тајност до самата промоција.

Подготви: Марија Поповска

Можеби ќе ве интересира: