И оваа година општина Неготино организира на градскиот плоштад дочек на Новата година. Градоначалникот на општина Неготино Ванчо Апостолов, Советот на општината и локалната самоуправа ги покануваат сите граѓани од Неготино и соседните општини, во сабота на 31-ви декември да дојдат на градскиот плоштад во Неготино и со организирана забава заеднички да се испрати 2016-та и да се дочека новата 2017-та година, соопштија од Службата за информирање. За забавата и доброто расположение ќе се погрижат членовите на групата “Кристал”, а на полноќ ќе има и спектакуларен огномет.
Подготви: Влад Петров
