World Music

Почина пејачката на групата “Roxette” (Фото+Видео)

Шведската пејачка Мари Фредриксон од поп-дуото “Roxette” почина на 62-годишна возраст, пренесува BBC. Мари долго време се бореше со тумор на мозокот, објави нејзиниот менаџер. Во изјавата се вели дека таа починала во вторникот, 9-ти декември, “по 17-годишна битка со ракот” и дека ќе биде погребана во кругот на најблиското семејство.

Пејачката открила во 2002 година дека имала тумор на мозокот. Лекарите тогаш и дале само 20 проценти шанса да се подобри, но по долгата и агресивна терапија, туморот се повлекол. Поради хемотерапија, таа остана без вид на едното око и со оштетен слух. Имаше проблеми и да зборува со месеци по хемо терапијата. Таа зад себе го остави сопругот Микаел Болиос и двете деца, 26-годишната ќерка Инез Јозефин и 23-годишниот син Оскар.

“Времето лета навистина брзо. Не толку одамна, поминувавме денови и ноќи во еден мал стан, споделувајќи невозможни соништа. И каков сон што конечно го добивме за да го споделиме! Чест ми е што го сретнав твојот талент и дарежливост. Цела моја љубов ја испраќам до тебе и твоето семејство “Работите веќе нема да бидат исти”, објави Пер Гесл од “Roxette”.

Мари Фредриксон, е родена на 30.05.1958 година. Таа беше шведска поп-пејачка, текстописец, пијанистка и сликарка, најпозната како дел од поп-рок дуото “Roxette”, кое го основаше во 1986 година со Питер Гесл. Дуото постигна меѓународен успех кон крајот на 1980-те и почетокот на 90-те години со “Look Sharp!” (1988) и “Joyride” (1991). Меѓу најпознатите песни на групата “Roxette” се “The Look”, “Joyride” и “It must have been love”. Тие го издадоа својот последен заеднички албум во 2013 година.

Можеби ќе ве интересира: