World Music

Наскоро ќе се објави албумот „Camille“, на женското алтер его на Принс

Дискографската куќа Third Man Records, основана од Џек Вајт пред 2001 година, објави дека подготвуваат објавување на досега необјавен албум на Принс од 1986 година, именуван по женскиот алтер его на фанк иконата Принс – „Camille“.

Откако го напуштил проектот „Dream Factory“ и го распуштил бендот „The Revolution“ во средината на 1986 година, Принс влегол во студио со инженерката на звук, Сузан Роџерс кон крајот на октомври за да започне нов проект. Тој почна да експериментира со својот вокал, кој го подигна со користење на шифтери или снимање на неговите вокали со побавно темпо, а потоа забрзувајќи ја лентата за да создаде повисок, андроген тон (тој веќе експериментираше со оваа техника на Б-страната на „Erotic city“ од 1984 година). Покојниот музичар планираше да издаде албум под псевдонимот Camille, кој беше неговото женско алтер его, но албумот никогаш не беше објавен, иако сите осум песни од албумот се веќе објавени, и тоа „Housequake“, „Strange Relationship“ и „If I Was Your Girlfriend“ објавени на „Sign o` the Times“. Потоа „Feel U Up“ која е Б-страната на синглот од Бетмен „Partyman“, „Shockadelicа“ која е Б-страна на сингл плочата „If I Was Your Girlfriend“, „Good Love” од саундтракот на „Bright Lights, Big City”, „Rockhard in a Funky Place” од „The Black Album”  и „Rebirth of the Flesh” која неодамна беше додадена на супер делукс реизданието на „Sign o` the Times“ од 2020 година.

„Ќе го објавиме. Застапниците на Принс се согласија. беше речиси премногу лесно. – гордо изјави вториот основач на Third Man Records, Бен Блеквел.

Датумот на издавање на албумот се уште не е познат.

Можеби ќе ве интересира: