Познатиот хеви метал бенд „Slipknot“ конечно официјално го потврди идентитетот на членот на бендот познат како „Tortilla Man“. Неговото име е Мајкл Пфаф.
Бендот го откри идентитетот на Пфаф со објава на Instagram во која тој ја промовираше сесијата „Ask Me Anithing“ на Reddit. На фотографијата се гледа музичарот како држи знак на кој пишува: „Јас сум Мајкл Пфаф“. Во 2019 година, Пфаф го замени долгогодишниот член Крис Фен, кој беше исфрлен од групата откако ги тужеше своите колеги од бендот поради финансиски прашања. Пфаф, прекарот Tortilla Man го доби од обожавателите кои мислат дека неговата маска личи на тортилја и оттогаш остана така бидејќи бендот одбиваше да го објави неговиот вистински идентитет.

Се чини дека објавата покажува дека бендот го омекнал својот првичен став кон новите членови, кој требало да го чува нивниот идентитет во тајност. Во 2015 година, обожавателите брзо заклучија кој е новиот басист Алесандро Вентурела, врз основа на карактеристичните тетоважи на рацете, додека протечената листа на екипата од турнејата подоцна истата година откри дека замената на тапанарот Џои Џордисон ќе биде Џеј Вајнберг.
Беше прилично тешко. Деновиве сите се на интернет и имаат телефон… може да му кажете на некој човек во самопослуга и следното нешто што знаете дека е на интернет. Летав во Лос Анџелес двапати пред да дознае мојата сопруга. Уживав додека ја гледа мистеријата како се одвива. Теориите, детективите…неверојатно. – вели Пфаф.
