По три месеци напорна борба, бројни предизвици, неверојатни изведби, смеа и емоции, победникот на третата сезона на популарниот музички натпревар IDJShow конечно е крунисан!
Во суперфиналето, четворицата финалисти го покажаа својот талент, но само еден можеше да го освои првото место и главната награда – IDJCoin со вредност од 100.556 евра. Победата ја однесе Павле Васиљевиќ со неверојатни 271 поен, оставајќи ги зад себе Нина Симоновиќ (266 поени), Стефан Ефремов (251 поен) и Луна Бејков (220 поени).
Павле ја покажа својата скромност и благодарност веднаш по врачувањето на наградата:
„Не знам што да кажам, многу благодарам на моите луѓе кои се тука и на целата публика што ме поддржа. Ви благодарам многу!“.

Неговиот тренер, познатиот македонски композитор и продуцент Дарко Димитров, за кого ова е прва победа како ментор во шоуто, исто така не ја криеше својата радост. Финалната вечер беше исполнета со енергија и емоции, а Павле и останатите финалисти покажаа дека се вистински ѕвезди во подем.
IDJShow уште еднаш го потврди својот статус како еден од најпопуларните музички натпревари, каде секој настап носи возбуда и инспирација.
