Во прв ред

Утре вечер започнува “Скопски фестивал” (Фото)

Одбројувањето до почетокот на “Скопски фестивал” започна, а полека се откриваат и детали за најмузичката вечер во Скопје. Црвен тепих, гламур и сценски спектакл не очекува на годинешното издание. На генералната проба беа откриени дел од деталите кои ова издание ќе го направат најдобро досега. Организаторот на фестивалот, Македонската радио телевизија ветува дека вечерта на 12-ти ноември ќе биде незаборавна, а сите 20 композиции ќе бидат новите македонски хитови за следната година.

Сцената на утрешниот "Скопски фестивал 2013"Сцената на Македонската опера и балет е целосно изменета и прилагодена на претстојното мултимедијално шоу. Изведбата во живо на секоја од песните, од страна на оркестар составен од 54 академски музичари под диригентската палка на Љупчо Мирковски, ќе направат овој фестивал да биде израмнет со најпознатите европски музички фестивали.

Специјално сценско осветлување и лед дисплеи ќе ја украсуваат сцена, а дополнителни режисерски елементи и уште неколку тајни ќе придонесат за импресивно фестивалско издание. Сите изведувачи и авторите на песните фестивалот ќе го следат од зелената соба од каде ќе има и вклучувања во живо, разговори со изведувачите и коментари за песните и изведбите.

Генерална проба пред утрешното издание на "Скопски фестивал 2013"Дваесет и тројцата музичари ќе изведат 20 композиции од врвни авторски имиња. На импозантната сцена ќе се докажуваат македонските млади, но и веќе потврдени музички имиња. Сите ќе се натпреваруваат за признание од публиката, но, исто така, за и некоја од трите вредни награди што оваа година ги доделува “Скопски фестивал”.

Подготви: Катерина Митровска

Можеби ќе ве интересира: