Во прв ред

Вечер на филмска магија: „Кинематика“ со Дуке Бојаџиев

Со голема чест и возбуда, реномираниот композитор Дуке Бојаџиев го најавува својот нов концерт „Кинематика“. Оваа специјална вечер е посветена на дваесетгодишната кариера на Бојаџиев како композитор на филмска музика, каде публиката ќе има можност да ужива во изведба на некои од најзначајните композиции кои го одбележаа неговото творештво.

„Кинематика“ е емотивно патување низ најзначајните моменти од кариерата на Дуке Бојаџиев, каде секоја композиција раскажува своја приказна, поврзувајќи ја публиката преку длабоки емоции и инспирација. Со поддршка од врвни музичари и освежени аранжмани, оваа вечер ќе биде вистинско музичко искуство кое ја слави убавината на филмската музика.

Настанот ќе се одржи на 7-ми февруари 2025 година во Македонска филхармонија, со почеток во 20:00 часот. Дуке Бојаџиев упатува искрена благодарност за сета поддршка низ годините и ги поканува сите љубители на музиката да бидат дел од оваа незаборавна вечер, посветена на убавината и моќта на филмската музика.

Придружете се на ова емотивно патување и дозволете музиката да ве инспирира и обедини!

Можеби ќе ве интересира: