Со театарската претстава „12“ во режија на Синиша Ефтимов во продукација на Македонскиот народен театар, а во која играат актерите: Ѓорѓи Јолевски, Александар Микиќ, Сашко Коцев, Игор Џамбазов, Владо Јовановски, Гораст Цветковски, Тони Михајловски, Никола Ристановски, Благој Веселинов, Јордан Симонов, Сенко Велинов, Оливер Митковски и Тања Ивановска беше отворено 59 издание на МТФ„Војдан Чернодрински“-Прилеп.
Во саботата на пладне во фоајето од НУЦК„Марко Цепенков“-Прилеп каде и се одржуваат театарските претсави од фестивалската програма се одржа тркалезна маса за претставата, а на истата присуствуваа актери, режисерот и директорот на Македонскиот народен театар.
Синиша Ефтимов, режисер за претставата „12“ вели дека како и секој режисер така и тој имал текстови во фиока, а откако случајно го погледнал оригиналниот филм на Реџинал Роуд сметал дека истиот е добро театарско парче.
„Претставата одамна се крчка кај мене. Како и секој режисер така и јас имам ставено некои текстови во фиока и овој е еден од тие текстови. Јас многу често тргнувам од формата, а потоа ја барам содржината. Причината е прозаична за како тргна целата приказна. Кога го видов на телевизија оригиналниот филм од Реџинал Роуд сметав дека е добро парче кое може да се работи во театар. Подоцна размислував за сите концепти на самата драма“-вели Ефтимов.
Никола Кимовски, директор на Македонскиот народен театар вели дека со режисерот Ефтимов се договориле за половина час за претставата, а според него навистина е реткост да се соберат така добри актерски имиња и да работат заедно и сплотени.
„Ова е мој прв прокет кој го реализирав. Со Синиша буквално се договоривме за половина час во мојот кабинет која ќе биде актерската екипа, кој ќе биде текстот, а на Синиша потоа му реков да почнеме со реализација на прокетот. Јас знам дека Синиша се тргна во друга канцеларија, а кога се врати ми кажа дека сите прифатија, што е изненадување. Јас сум 20 година во МНТ и е навистина реткост да се соберат сите овие актери, едни од најдобрите во Македонија колку и да звучи тоа нескромно меѓутоа, тие работеа заедно сплотени. Едвај чекав кога ќе имам пауза од мојата работа да се симнам на проба и да гледам како тие колеги си помгаат еден на друг“-вели Кимовски.
Сашко Коцев, актер вели дека според него драмскиот текст е како монолог кој го има еден човек и кој треба да се убедува и разубедува, а според Коцев сите 12 души да зборуваат како еден навистина било тешко да звучи така како што звучи.
„Спрема мене текстот од претставата е како монолог кој го има еден човек каде се убедува и разубедува, но треба да го кажуваат 12 души. Тоа беше како да зборува еден човек и да зборува за сите во исто време и се да се разбира.Беше тешко да стигнеме до тука, тоа беше голем предизвик за да звучи така како што звучи.“-вели Коцев.
Христијан Ангелески известува од Прилеп за Музика 24
