Харис Џиновиќ повторно се најде во центарот на вниманието откако уште еднаш отворено проговори за својот поранешен брак со модната дизајнерка Мелина Галиќ. Легендарниот пејач признава дека јавноста погрешно ја протолкувала неговата изјава дека е „виновен што премногу давал“, па реши да објасни што навистина сакал да каже. Според него, неговите зборови воопшто не се однесувале на материјалната страна од животот, туку на слободата што, како што вели, неговата поранешна сопруга ја имала во текот на нивниот брак.
„Кога реков дека сум премногу давал, не мислев на пари. Мислев на слободата да живее како што сака – да патува, да излегува, да доаѓа и заминува кога ќе посака. Во нашиот дом немаше забрани, ниту строги правила“, изјави Џиновиќ. Тој додава дека нивниот однос никогаш не бил исполнет со ограничувања и дека не бил човек кој поставувал услови или забрани.
Во емотивното интервју Харис признава дека и денес чувствата кон Мелина не исчезнале целосно.

„Не знам што повеќе можев да направам, освен да си ја ампутирам раката и да ѝ ја дадам. Многу ја сакав. Единствената разлика е што денес повеќе не сме заедно“, изјави пејачот. Џиновиќ повтори дека не ја обвинува Мелина за разводот, иако признава дека тешко го прифатил крајот на нивниот дваесетгодишен брак. Според него, секој има право да го избере својот пат, дури и кога тоа значи разделба. Во меѓувреме, Мелина продолжи понатаму со својот живот и годинава стапи во брак со британскиот бизнисмен Џефри Пол Арнолд, со кого направија интимна свадбена церемонија во Монако. Харис, пак, вели дека не ја следи нејзината приватност.
„Тоа е мое минато и навистина не ме интересира“, кратко одговори тој.
Иако поминаа две години од нивниот развод, љубовната приказна на Харис Џиновиќ и Мелина Галиќ и понатаму останува тема која привлекува големо внимание во регионалните медиуми, особено кога пејачот ќе одлучи јавно да проговори за нивниот некогашен заеднички живот.
Текстот го подготви: Редакција Музика24
