Ако некогаш сте го паметеле Азис како екстравагантен артист во шминка, високи потпетици и провокативни модни комбинации, време е да ги ажурирате вашите спомени! Бугарската музичка ѕвезда целосно го промени својот имиџ, а неодамнешното гостување во емисијата „Ceca Show“ откри дека зад гламурот и скандалите се крие многу посериозна и емотивна страна.
Денес, Азис е посветен татко на три деца, тренира во теретана, носи стилски костуми и живее далеку помирен живот. Но, тоа не значи дека го загубил својот шарм!
„Имам ќерка од 17 години, но луѓето не знаат дека ми е ќерка бидејќи никогаш не сакаше да се експонира како мое дете. Таа сака животни и сака да стане ветеринар. Руса е, со сини очи – и многу сме блиски“, открива Азис.
Најтрогателниот дел? Неговиот отворен однос со неа. Азис ѝ раскажал сè за себе – за неговиот живот, неговите љубови и пријателството со мајка ѝ.
„Со децата мора да имате отворен однос. Подобро е тие да дознаат сè од родителите, отколку од други.“
Кој би рекол дека човекот што некогаш го гледавме во драматични модни изданија сега води живот со толку многу емоции, љубов и семејни вредности? Едно е сигурно – Азис е жив доказ дека човек може да се менува, но духот секогаш останува ист!
