Денеска во Шибеник беше претставена биографијата на големиот композитор, поет, кантавтор, уметник… Арсен Дедиќ. Овој голем човек, музичар, композитор, автор.. роден е на 28-ми јули 1938, а почина на вчерашен ден (17-ти август) 2015-та година. Биографската книга “Арсен – човек како тој”, ја напиша хрватскиот новинар Златко Гал.
Својот прв албум Арсен го објави пред 50 години за “Југотон”, кој беше насловен “Човек као ја, а меѓу антологиските албуми кои останаа од тоа време се и “Homo Volans”, “Провинција”, “Кино Слобода”, “Тихи обрт”, “Министарство страха”… Зад Арсен останаа голем број евергрини, како “Moderato cantabile” и “Куча поред мора”, “Дјевојка из мога краја”, “О, младости”, “Откако те не волим”, “Амиго”…

Пишуваше за најголемите ѕвезди во Југославија – Габи Новак, Јосипа Лисац, Здравко Чолиќ, “Бијело дугме”, “Леб и сол”… Минатата година, дискографската куќа “Кроација рекордс” на двоен компакт диск ги објави неговите најрани снимки од периодот 1962-1964. “Рани години – Хронологија”.
Тој засекогаш ја задолжи музичката сцена и многу генерации кои уживаа во неговата музика, а неговиот придонес е немерлив и во театарот, на филмот и на телевизија. Тој остави зад себе богатство на убава музика и стихови кои со право се сметаат за неизбришливо народно богатство. Кога станува збор за Арсен, сите се единствени, а дури и најголемите го прогласуваат за Најголем.
