Балканленд

Запознајте го Роби, првиот робот-музичар на овие простори (Видео)

Познатиот рок-бенд „Дубиоза колектив“ од БиХ доби нов член. Се работи за хуманоидниот робот наречен Роби Мегабајт. Роби е првиот музичар-робот на овие простори. Роби кој пее и свири на различни инструменти е создаден од студенти на Електротехничкиот факултет на Универзитетот во Сараево, по барање на „Дубиоза колектив“ за дополнување на концептот на нивниот албум „#fakenews“ објавен минатата година.

„Нашиот робот сака музика, сака да јаде, пие, да вреска. Пораката за злобната вештачка интелигенција што им ги одзема работните места на добрите луѓе е наменета да биде иронична“, вели Ведран Мујагиќ, бас-гитарист на „Дубиоза колектив“, кој беше најмногу вклучен во дизајнирањето на концептот за Роби. Еден од студентите кои помогнаа во изградбата на роботот користен во албумот, Алмир Бесиќ, изјави дека проектот бил предизвик затоа што тие на почетокот не знаеле ништо за 3Д-печатењето потребно за изградба на роботот, а ја немале и потребната опрема.

Составувањето на Роби траело околу 2 години, а биле користени рециклирани материјали, вклучувајќи вратило на оската од Голф 2 и тркала од колички за бебиња за да платформата по која се движи Роби.

Dubioza Kolektiv feat. Robby Megabyte - Take my Job Away (Official Video)

Извор: Ројтерс

Можеби ќе ве интересира: